2025 жылдың алғашқы тоқсанында жаңа жетістікке қол жеткізілді. «Богатырь Көмір» ЖШС мен «Қазақстан темір жолы» ҰК» АҚ арасындағы табысты әріптестіктің арқасында ақпан айында тұтынушыларға рекордтық 3,9 миллион тонна көмір жөнелтілді. 

Күн сайын қатты отын 33 түрлі бағытқа еш кідіріссіз жөнелтіліп отырды. Мұндай нәтижеге кеншілер мен теміржолшылардың жоғары үйлесімділігі мен жауапкершілігінің арқасында қол жеткізілді.

Осы жетістікке орай «Қазақстан темір жолы» ҰК» АҚ-ның «Біріктірілген жоспарлау дирекциясы» филиалының директоры Вадим Копылов компанияның атына алғыс хатын жолдады. 

«Богатырь Көмір» ЖШС-нің жүк тиеуді ұйымдастыруды жетілдіру және станция инфрақұрылымын тиімді пайдалану мәселелеріндегі белсенді ұстанымын атап өткіміз келеді. Бұл пойыздардың тұрақты жөнелтілуіне, жоғары өндірістік көрсеткіштерге қол жеткізуге және вагон паркін тиімді айналымға қосуға ықпал етеді», – делінген хатта. 

«Самұрық-Энерго» АҚ еншілес компанияларындағы өндірісте жұмыс істейтін жұмысшылардың әлеуметтік-тұрмыстық жағдайын жақсарту бойынша жұмысты жалғастыруда.

Жұмысшы мамандықтар жылы аясындағы әлеуметтік бағдарлама шеңберінде, АлЭС кәсіпорындарында өндірістік цехтарда еңбек ететін жұмысшыларды тегін ыстық тамақпен қамтамасыз ету жобасы алғаш рет іске қосылды.

А.Жақұтов атындағы 2-ЖЭО-да күн сайын 900-ден астам қызметкер сапалы әрі теңгерімді тамақ ішуде. Кезекші бригадаларға ыңғайлы болу үшін асхана тәулік бойы жұмыс істейді. Тамақ рационы мұқият ойластырылған, нормалар сақталған, ал ең бастысы құрмет пен жайлылық ахуалы қалыптастырылған. Аспаздар тамақты жан-тәнімен дайындайды, инженер-технологтар сапасына қадағалау жүргізеді, ал өндірістік жұмысшылар алғашқы жағымды пікірлерімен бөлісті.

«Басшылықтың бізге қамқорлық танытқаны өте қуантады. Бұл - біздің денсаулығымыз бен әл-ауқатымызға жасалған үлкен қамқорлық. Асханада тамақ өте дәмді, порциясы тойымды. Бәріміз тоқпыз, көңіл-күйіміз жақсы, жұмысымыз өнімдірек жүріп жатыр», – дейді «Энергожөндеу» ПРП шебері Мұхамеджан Оралбеков.

Жақын арада тегін ыстық тамақпен қамтамасыз етілетін жаңартылған асханалар Б. Оразбаев атындағы 1-ЖЭО-да, 3-ЖЭО-да, Ш. Шөкин атындағы Қапшағай СЭС-інде, ГЭС каскадында, БЖК-де және басқа да кәсіпорындарда іске қосылады.
Жалпы, тегін ыстық тамақпен шамамен 3000 қызметкер қамтылады.

https://youtube.com/shorts/FJ3ZVBNZkVI?feature=share

Өндірісте жарақаттануды азайту және «Самұрық-Энерго» АҚ тобына кіретін барлық кәсіпорындарда қауіпсіз еңбек жағдайларын жасау мақсатында Дүниежүзілік еңбекті қорғау күніне орай «Еңбек қауіпсіздігі және еңбекті қорғау айлығы» өткізілуде.

Айлық барысында барлық өндірістік департаменттерде жұмыс орындарының жоспарлы аудиті жүргізілуде, бұл өндірістегі қауіпсіздік деңгейін одан әрі арттыруға бағытталған.

«Самұрық-Энерго» АҚ компаниялар тобының Еңбек қауіпсіздігі және еңбекті қорғау жылы аясында жаңа еңбекті қорғауды қамтамасыз ету құралдары енгізілуде. Мысалы, «АлЭС»-те қауіпсіздік техникасы талаптарының орындалуын орталықтан бақылау пункті ашылды.

Жүйе қауіпсіздік нормаларының сақталуын нақты уақыт режимінде бақылауға мүмкіндік береді. Бұл — жеке қорғаныс құралдарының қолданылуын, қауіпті учаскелерді анықтауды және жұмысшылардың жағдайын қадағалауды қамтиды.

Айлық шеңберінде өндірістік департаменттерінің қызметкерлері төтенше жағдайлар кезіндегі іс-қимылдар бойынша тренингтерден, алғашқы медициналық көмек көрсету бойынша шеберлік сабақтарынан өтуде. Өндірістегі қауіпсіздік мәдениетін арттыру - жарақаттану деңгейін нөлге жеткізу стратегиясының ажырамас бөлігі болып табылады.

Алматы облысында «Самұрық-Қазына» АҚ портфельдік компаниялары Омбудсмендер кеңесінің көшпелі отырысы өтті. Оған «Самұрық-Энерго» АҚ омбудсмені Ақылов Нариман қатысты. 

Отырысқа қатысушылар «Самұрық-Энерго» АҚ-ның еншілес компаниялары - Мойнақ СЭС және «АЖК» АҚ, сондай-ақ «KEGOC»АҚ-ның Алматы АЭС-інде болды. Олар электр энергиясын өндіру мен берудің өндірістік процестерімен танысып, компания қызметкерлерімен кездесулер өткізді.

Сондай-ақ, омбудсмендер «Самұрық-Қазына» АҚ компаниялар тобының Ішкі коммуникациялар және сатып алу қызметі жөніндегі форумына қатысты. Форумда ұжымдағы кәсіби мінез-құлық қағидаттары қарастырылды. Форумның жеке блогы сатып алуды өткізу мәселелеріне және отандық өндірушілерді қолдау шараларына арналды.

Таза су - әр жұмысшының денсаулығына жасалатын қамқорлық. Компанияның барлық өндірістік цехтарында заманауи ауыз су бұрқақтары пайда болды. Әрбір субұрқақ 5000 тоннаға дейін су тазартуға қабілетті сүзгілермен жабдықталған. Қызметкерлерді таза ауыз сумен қамтамасыз ету үшін сумен жабдықтаудың жаңа жүйесі жүргізілді. 

«Бұрын су ішу үшін алысқа бару керек еді, ал қазір субұрқақтар – таяқ тастам жерде. Мен күніне шамамен 5 литр cу ішемін: дене күшін қажет ететін жұмыс қой, сусыз қиын», - дейді А. Жақұтов атындағы 2-ЖЭО турбина цехының слесарі Нұрлан Сүлейман.

Жоба техникалық шешімдерді пайдалану арқылы жұмысшыларға қолайлы жағдай туғызды. Жаңа ауыз су бұрқақтары цехтарда жұмыс істейтін қызметкерлердің ыстық күндерде және өндірістегі ауыр жұмыс кезінде жандарына сая болып, тыныстарын кеңейтті. 

Самұрық-Энерго өндірістік қызметкерлердің әлеуметтік-тұрмыстық жағдайын жақсарту бойынша жұмысты жалғастыра бермек!

«Самұрық-Энерго» АҚ 2024-2025 жылдардың күзгі - қысқы кезеңінде электрмен және жылумен жабдықтауды үздіксіз қамтамасыз етті және жылу беру маусымын сәтті аяқтады. Осы кезеңде компанияның жылу электр станциялары (ЖЭС) 18,6 млрд кВт•сағ электр энергиясын өндірді, ал босатылған жылу энергиясының көлемі 4,4 млн Гкал құрады. Энергетикалық холдингтің станциялары бүкіл жылу беру маусымы бойынша жылу берудің температуралық кестелерін сақтай отырып, штаттық режимде жұмыс істеді.

2024-2025 жж. КҚК барысында Екібастұз 1-МАЭС-те қуаттылығы 500 МВт №1 энергия блогы пайдалануға берілді, бұл станцияның жалпы белгіленген қуатын 4000 МВт-ға дейін арттырды. Осылайша, станция соңғы 30 жылда алғаш рет сегіз блокты жұмыс режиміне көшті.

Ағымдағы жылыту маусымында 2023-2024 жылдардағы ұқсас кезеңмен салыстырғанда Самұрық-Энерго станцияларында электр энергиясын өндіру көлемі 4%-ға ұлғайды. Көрсеткіштер технологиялық бұзушылықтар санының айтарлықтай төмендеуінің арқасында өсті, бұл жабдықтарды жөндеу, жаңғырту және пайдалану мәдениетін жақсарту бойынша жүргізіліп жатқан іс-шаралардың нәтижелілігін көрсетеді.

Атап айтқанда, өткен жылдың маусым айында «Самұрық-Энерго» АҚ-ға сенімгерлік басқаруға берілген Екібастұз ЖЭО-да энергетикалық қазандықтар мен қосалқы жабдықтардың бір бөлігін уақтылы жөндеу күзгі-қысқы кезеңде станцияның сенімді және тұрақты жұмыс істеуін қамтамасыз етті.

Алматы 1-ЖЭО, 2-ЖЭО және 3-ЖЭО-лар да жылу беру маусымын ойдағыдай аяқтап, Алматы қаласы мен Алматы облысының тұтынушыларын электр және жылу энергиясымен үздіксіз қамтамасыз етті.

Жылу беру маусымының аяқталуымен Самұрық-Энерго станциялары келесі күзгі-қысқы кезеңге жедел дайындыққа кірісті. Энергия объектілерінде қызу жөндеу жұмыстары басталды. Ағымдағы жылы негізгі жабдықтың 105 бірлігіне 114 жөндеу жүргізу жоспарланған. Жөндеу науқаны бекітілген кестеге сәйкес жүзеге асырылады және Самұрық-Энергоның барлық станциялары алдағы жылу беру маусымына дайын болады.

«Богатырь Көмір» ЖШС өндірісті жаңғырту бағытын жалғастыруда. Бұл жолы кәсіпорынның техникалық паркі 180 тонна жүк көтеретін 5 самосвалмен толықтырылды.

«Жұмысшы кәсіптер жылы» пайдалануға берілетін жаңа техника біздің қызметкерлеріміздің еңбек жағдайларын жақсартуға және өндірістік процестердің тиімділігін арттыруға мүмкіндік береді. Бұл компания үшін ғана емес, Қазақстанның барлық көмір өнеркәсібі үшін де қосылған маңызды үлес», - деп атап өтті кәсіпорынның бас директоры Қайрат Рғайбек. 

Жаңа техниканы Технологиялық көлік басқармасының 20 тәжірибелі және білікті жүргізушілері басқаратын болады. Солардың бірі - экипаж бригадирі Нұрғали Шайзадинов көрсетілген сенім мен жоғары нәтижелерге қол жеткізуге дайындық үшін алғысын білдірді. Жаңа самосвалдар аршу жұмыстарына тартылады.

«Самрук-Энерго» АҚ қауіпсіз еңбек жағдайларын қамтамасыз ету бағытында ауқымды жұмыстарды жалғастыруда. 

Компанияның еншілес ұйымдарында ауысым алдындағы медициналық тексерулерді өткізу үдерісі автоматтандырылған. Бұл нәтижелерді кәсіпорынның қауіпсіздік жүйелерімен нақты уақыт режимінде біріктіруге мүмкіндік берді. Жаппай медициналық тексеру өте қысқа мерзімде – бір қызметкерге шамамен 1 минут ішінде өткізіледі. 

Сондай-ақ еңбек қауіпсіздігін қамтамасыз ету мақсатында кәсіпорындар камералары бар «ақылды каскалар» мен бейнежетондар сатып алды. Бұл қызметкерлердің қауіпсіздік техникасы ережелерін сақтауын бақылауға көмектеседі. 

Компаниялар тобында ескі қауіпсіздік белбеулерін заманауи бес нүктелі белбеулерге кезең-кезеңімен ауыстыру жұмыстары жүргізілуде. Сонымен қатар, «Богатырь Көмір» ЖШС-нің карьерлік самосвал жүргізушілерін бақылау мақсатында «Антиұйқы» жүйесі енгізілуде. Ол жүргізушінің жағдайына, оның ішінде шаршауына байланысты жол-көлік оқиғаларының алдын алуға арналған. 

Сондай-ақ кәсіпорындарда жөндеу және қалпына келтіру жұмыстары кезінде персоналдың қауіпсіздігін қамтамасыз ету үшін LOTO жүйесі енгізілуде. Бұл жүйе технологиялық тораптарды бұғаттау және ескерту белгілерін орналастыру арқылы жабдықтың кездейсоқ іске қосылуына жол бермейді. 

Болат Жәмішевтің төрағалығымен өткен «Самұрық-Қазына» АҚ Қоғамдық кеңесінің отырысында «Самұрық-Энерго» АҚ қызметінің қорытындылары тыңдалды.

Отырысқа Қордың, «Самұрық-Энерго» АҚ-ның басшылығы, ҚР Парламентінің депутаттары, сарапшылар мен қоғам қайраткерлері қатысты.

«Самұрық-Энерго» АҚ – Қазақстандағы аса ірі көпсалалы энергетикалық холдинг. Компания құрылымында көмір өндіруден бастап электр энергиясын өткізуге дейін электр энергиясын өндірудің толық тізбегі қамтылған «Самұрық-Энерго» АҚ-ның Қазақстандағы белгіленген қуаттағы үлесі – 32%, ал көмір өндірудегі үлесі – 42%. Самұрық-Энергоның құрамына 25 еншілес ұйым кіреді, онда жалпы саны шамамен 20 мың қызметкер жұмыс істейді.

«Самұрық-Энерго» АҚ Басқарма Төрағасы Қайрат Мақсұтов  компанияның 2024 жылда атқарған жұмысының нәтижелерімен таныстырды. Ол Самұрық-Энерго компаниялар тобы өткен жылы электр энергиясын өндіру бойынша қойылған міндеттерді жоспардан асыра орындағанын атап өтті. Атап айтқанда, 2024 жылы «Самұрық-Энерго» еншілес ұйымдары 39,7 млрд кВт/сағ электр энергиясын өндірген, бұл – жылдық жоспардың 102%-ын құрайды және 2023 жылғы нақты көрсеткіштен жоғары. 2025 жылы бұл көрсеткішті 40,9 млрд кВт/сағ-қа дейін ұлғайту жоспарлануда.

Сондай-ақ, өткен жылы жөндеу жұмыстары толық көлемде орындалған, бұл жылыту маусымын табысты өткізуге мүмкіндік берді. Сонымен қатар 2024 жылдың соңында Екібастұз 1-МАЭС-тің 1-энергия блогы пайдалануға берілді. Соның нәтижесінде станцияның қуаты 4000 МВт-ға жетті және алғаш рет соңғы 30 жылда 8 блокты режимде жұмыс істеді.

«Самұрық-Энерго» басшысы еліміздің энергетикалық инфрақұрылымын дамытуға, энергетикалық қауіпсіздікті және экономикалық өсімді қамтамасыз етуге бағытталған ірі инвестициялық жобалар туралы да айтты. 2032 жылға дейін Компания 14,3 ГВт жаңа қуат көздерін іске қосуды жоспарлап отыр. Бұл – республика бойынша жаңа генерация енгізу жоспарының 55%-ын құрайды.

Баяндама тыңдалғаннан кейін Қоғамдық кеңес мүшелері баяндамашыларға бірқатар сұрақтар қойып, оларға егжей-тегжейлі толық жауап алды.

Соңғы бес жылда алғаш рет есептік кезеңнің бірінші тоқсаны бойынша жарақаттану деңгейі нөлге тең болғаны – маңызды жетістіктердің бірі болды. Бұл нәтижеге өндірістегі қауіпсіздік талаптарын сақтау жолында барлық қызметкерлер мен кәсіпорын басшыларының бірлескен жұмысының арқасында қол жеткізілді.

Солай бола тұрса да, кеңес барысында қосымша назар аударуды қажет ететін бірқатар маңызды мәселелер де көтерілді. Атап айтқанда, көлік қауіпсіздігі және қызметкерлердің денсаулығының кенеттен нашарлау жағдайлары жиілеп кеткені ерекше назарда болды. Осыған байланысты «Самұрық-Энерго» АҚ Басқарма Төрағасы Қайрат Мақсұтов еншілес және тәуелді ұйымдарда еңбек қауіпсіздігін қамтамасыз ету бойынша нақты тапсырмалар берді.

Сонымен қатар, Қоғамның бірқатар еншілес компанияларындағы жағымды өзгерістер де атап өтілді. 2024 жылдың қорытындысы бойынша өндірістік қауіпсіздік саласындағы елеулі жетістіктері үшін Мойнақ және Шардара су электр станциялары «Самұрық-Энерго» АҚ Басқарма Төрағасының Құрмет грамотасымен марапатталды, ал «Өндірістік қауіпсіздік саласындағы ең үздік кәсіпорын» аталымы бойынша жеңімпаз кубогы «Алатау Жарық Компаниясы» АҚ-ға табысталды.