2025 жылғы қаңтар-желтоқсан айларының қорытындысы бойынша «Самұрық-Энерго» АҚ еншілес кәсіпорындарының электр энергиясын жиынтық өндіру көлемі 40,4 млрд кВт•сағатты құрады. Бұл көрсеткіш 2024 жылғы деңгейден 2%-ға артық және соңғы 20 жылдағы ең жоғары көрсеткіш болып табылады.

Компания Қазақстанның электр энергиясы нарығында көшбасшылық позициясын нық сақтап келеді: «Самұрық-Энерго» АҚ-ның үлесі шамамен 33%-ды құрайды.

Есепті кезеңде жылу энергиясын өндіру 7,2 млн Гкал құрады, бұл өткен жылмен салыстырғанда 6%-ға артық.

Көмірді өндіру мен сату да тұрақты өсуді көрсетті. «Богатырь Көмір» ЖШС көмір өндіру көлемін 2024 жылмен салыстырғанда 6%-ға арттырып, көрсеткішті 45,3 млн тоннаға жеткізді. Көмір сату 44,3 млн тоннаны құрады, бұл өткен жылдың сәйкес кезеңімен салыстырғанда 3%-ға жоғары.

«АЖК» АҚ электр энергиясын беру көлемі 9,9 млрд кВт·сағ жетті, бұл 2024 жылғы деңгейге қарағанда 7%-ға өсімді көрсетті. «Энергосбыт» АЖК филиалының электр энергиясын өткізу көлемі 10%-ға ұлғайып, 9,6 млрд кВт·сағ құрады.

«Самұрық-Энерго» АҚ еншілес кәсіпорындарының электр энергиясын өндіруінің жалпы көлемі 2025 жылдың тоғыз айында 29,4 млрд кВтсағ құрады, бұл жоспарлы мәннен 1,3%-ға артық және 2024 жылдың 9 айындағы нақты көрсеткіштен жоғары.

«Самұрық-Энерго» АҚ-ның Қазақстанның электр энергиясы нарығындағы үлесі көшбасшылық орында қала береді және 32,7%-ды құрайды.

2025 жылғы қаңтардан қыркүйекті қоса алғандағы кезеңде жылу энергиясын босату 3,7 млн Гкал құрады, бұл өткен жылғы деңгейден 5%-ға жоғары.

Көмірді өндіру мен сату да өсуді көрсетті. «Богатырь Көмір» ЖШС 32 165 мың тонна көмір өндірді, бұл 2024 жылдың тоғыз айымен салыстырғанда 3,1%-ға артық. Көмір өткізу көлемі өткен жылдың сәйкес кезеңімен салыстырғанда 1,5%-ға ұлғайып, 31 885 мың тоннаға жетті.

«АЖК» АҚ-ның электр энергиясын беру көлемі 7,3 млрд кВтсағ құрады, бұл жылдық жоспардың 75%-ын құрайды және 2024 жылғы тоғыз айдағы көрсеткіштен 8%-ға артық.

АЖК «Энергосбыт» филиалының электр энергиясын өткізу көлемі 7,25 млрд кВтсағ құрады, бұл 2024 жылдың сәйкес кезеңімен салыстырғанда 15%-ға артық.