Құрметті отандастар!
Сіздерді Жеңіс күнімен шын жүректен құттықтаймын!
9 мамыр - соғыс ардагерлерінің ерлігі мен батырлығын ұлықтайтын ерекше мереке.
Отанын қорғаған батырлардың ерлігі кейінгі ұрпақтың жадында мәңгілік қалады.
Бүгін біз майданда қаза тапқан жауынгерлерді еске алып, осы күнге аман жетіп, арамызда жүргендеріне құрмет көрсетеміз. Олардың ерлігі – отансүйгіштіктің, ерліктің жарқын үлгісі.
Ата-баба ерлігін мәңгі есте сақтау, ардагерлерге тағзым етіп, қамқорлық көрсету - қасиетті борышымыз.
Бұл күндері «Самұрық-Энерго» компаниялар тобы орналасқан өңірлерінде арнайы іс-шаралар өткізуде. Батырлардың ескерткіштеріне гүл шоқтарын қойып, ардагерлерге барып, оларға қолдау білдіруде.
Осы айтулы күні майдангер-батырларымызға, тыл еңбеккерлеріне зор денсаулық, ұзақ өмір тілеймін!
Еліміз аман, жұртымыз тыныш болсын!
Құрметпен,
«Самұрық-Энерго» АҚ Басқарма Төрағасы Қайрат Мақсұтов